Morgunverðarfundur á Grand hótel – fimmtudaginn 5. júní kl 08:15 – 10:00

Fjárfestingarstofan býður til morgunverðarfundar á Grand hótel þar sem kynntar verða niðurstöður samkeppnisgreiningar á Íslandi fyrir ákveðin form fjármálafyrirtækja. Meðal þeirra sem tala á fundinum er Laurens Narraina, skattasérfræðingur hjá PricewaterhouseCoopers í Belgíu.

Fimmtudaginn 12. júní mun viðskiptafulltrúi í sendiráði Íslands í Kaupmannanhöfn, Rósa Viðarsdóttir, hitta þá fulltrúa fyrirtækja sem þess óska og vilja leita markaðsráðgjafar á umdæmissvæðum sendiráðsins. Þeir sem hafa hug á að skrá sig í viðtölin eru hvattir til að gera það sem fyrst í síma 511 4000 eða utflutningsrad@utflutningsrad.is .

Morgunverðarfundur á Grand hótel – fimmtudaginn 12. júní kl 08:15 – 09:30 

Jens Albinus, sem við Íslendingar þekkjum hve best fyrir að leika lögreglumanninn Hallgrím í dönsku þáttunum Örninn, mun sækja landið heim og leyfa okkur að kynnast því betur hver er í raun munurinn á okkur og Dönum þegar kemur að samskiptum.  Þetta verður líflegur fyrirlestur á léttu nótunum þar sem skoðaðar eru hinar ýmsu hliðar á því hvernig Danir eru í raun öðruvísi en við. Þetta efni á erindi til allra þeirra sem vilja efla og bæta tengsl sín við Dani eða dönsk fyrirtæki því oft eru það minnstu atriðin sem mönnum yfirsést þegar kemur að samskiptum við erlenda aðila. 

Útflutningsráð í samvinnu við viðskiptaþjónustu utanríkisráðuneytisins hefur að undanförnu skipulagt ferð til Brasilíu sem fara átti núna í júní. Ákveðið hefur verið að fresta ferðinni  fram á haustið þar sem fyrirhuguð tímasetning hentaði áhugasömum fyrirtækjum ekki nægilega vel.